#
GLE-1: Is as Meiriceá don éan seo. Tháinig ceann amháin acu isteach i dToraigh ar an 23 Meitheamh 2025 – sin le linn cúrsa Gaeilge de chuid Oideas Gael (21-17 Meitheamh 2025) ar an oileán. Bhí Gaeil as Meiriceá i láthair ar an chúrsa agus iad líofa sa Ghaeilge. Bhronn Seán Ó Cathail (Massachusetts, SAM) – a bhfuil cur amach aige ar an éan seo amuigh ar an Oileán Úr féin – 'gealbhán na n-amhrán' ar an éan, agus sin an t-ainm a d'úsáideadh muid go nádúrtha le linn an chuid eile den chúrsa. Sular fhág cuid againn slán leis an oileán, bhí comhrá agam (26.06.2025, PMC) san óstán le hAntóin Ó Mianáin (éaneolaí Thoraí) fá theacht an éin bhig seo. Shíl Antóin go mbeadh 'gealbhán ceoil' deas mar ainm air fosta. Dhá ainm a tháinig chun tosaigh go deas nádúrtha ar theacht an éin bhig seo go Toraigh gan coinne.
